Zoh Hrimhrim Awk Khrihfa Movie Thar: I Still Believe – Video

| The Chin Journal | Hakha, Chin State

US ram California ah hram a bunhmi Lionsgate Film nih August 22 ah “I Still Believe” (Ka Zumh Peng Ko) timi Khrihfa Movie tehchungnak Trailer a hun thlah i vawleicung minung tampi lung a hun lak colh.

Minute 2 fai telawng a saumi Trailer zohnak hmanh in minung tampi an mitthli a tla.

Hi Movie hi “Christian Faith, Christian Music Drama, Romance” phun (Genre) chung ah an chiahmi a si i, a movie thlangtar hi US Khrihfa hlasa minthang a simi Jeremy Camp nih a phuah i a sakmi “I Still Believe” timi kha a si.

A movie zong hi Jeremy Camp kong a si i, cancer zawtnak a ngeimi a nungak a duhdawtnak, a nulepa nih a nungak hi thit lo dingin an forhfial ko nain Pathian bochan buin cu a nungak he cun zeitindah chungkhar an dirh, a nupi sizung a um lio ah zumhnak lei in zeitluk in dah hneksaknak a ton timi le a nupi nih a liamtak hnu zong ah Pathian cung ah zumhnak nganpi a ngeihnak kong a phuahmi “I Still Believe” timi hla cherhchan in thlakmi movie a si.

Hi movie hi aralaimi March 20, 2020 ah Lionsgate Film nih vawleicung mizapi zoh khawh ding in a chauh telai.

Video & Photo – Lionsgate Movies (Youtube)

Latest News