Yaw Kee: Kan Pathum Thawng in Chin Miphun Karlak Dawtnak Lenter kan Duh

| The Chin Journal | Hakha, Chin State

Myanmar Idol Season 4 ah Top-5 tiang a phanmi Mindat khuami Yaw Kee nih kan tafar pathum (Esther Dawt Chin Sung, Benjamin Sum le Yaw Kee) thawng in hin Chin miphun karlak ah dawtnak leng seh ti kan duh, tiah January 11 ah a chim.

Chinland FC nih GFA Baibal Sianginn ah Myanmar Idol Season 4 ah teinak a hmumi pawl conglawmhnak a tuahpiak hna i cuka hmun ah cun Yaw Kee nih atu bantuk in a chim hi a si.

Yaw Kee nih, “Chin miphun karlak ah Thlanglei Laitlang mi le Chaklei Laitlang mi tiin chimrelnak a um tawn. Atu kanmah tafar pathum thawng Chin miphun karlak ah dawtnak lenter hi kan duh. Kanmah tafar pathum zong hi daw tein kan tlongleng tti hna,” tiah a chim.

“Hlasak kan i zuam lai zong ah thlacamnak in kan thawk hna. Kan kut kan i tlai hna i thla kan cam. Kan pathum chung ah minung pakhat hla a sak caan ah a hnulei in a taangmi pahnih nih thla kan campiak,” tiah a chim.

Latest News

News in Burmese