Yaw Kee Caah Fund an Kawlmi $160 Lawng an Hmuh Rih

| The Chin Journal | Hakha, Chin State

Myanmar Idol Season-4 Top 5 tiang a phanmi Yaw Kee ca ah online fund kawlnak Gofundme ah tlawm an khawlhpiakmi cu $160 lawng an hmuh rih. (Update:  $600 hrawng a lut cang)

Runner Up a hmumi Benjamin Sum ca i Fund an tuah thawk suimilam pasarih chung ah Dollar a thong in an hmuh manh nain Yaw Kee ca belte hi atu Fund kawlnak an onnak suimilam hleihnih a rau cang i $160 hrawng an hmuh hi a si.

Yaw Kee ca Fund hi Paris Sang Bawi timi nih a tuahmi a si. Yaw Kee ca ah innkhan/apartment pakhat tal asiloah motor pakhat tal cawkpiak ding tiin $15,000 hmu ding in an i tim.

Yaw Kee ca ah Fund pek a duh vemi nih hi Gofundme link hi hmet u law pek khawh a si.

Disclaimer: Yaw Kee fund a tuahpiaktu hna le Yaw Kee karlak ah zeitindah pehtlaihnak an ngeih timi The Chin Journal nih kan theifiang lo. Bawmhchan a duhmi nan um ah tiin zawnruahnak he kan rak tar chinmi a si. 

Latest News

News in Burmese