Yangon-Sittway Highway Lam Cung ah AA Pawl nih Palik Mawtaw an Kah, Palik 2 an Thi

| The Chin Journal | Hakha, Chin State

Yangon-Sittway highway lam cung ah AA pawl nih a thlithup in palik mawtaw an rak bawh hna i an tarhmi bomb nih an mawtaw cu a puah hnawh. Cun meithal in an kah chap hna ruang ah palik 2 nunnak a liam.

Feb. 27, zaan suimilam 7:45 hranwg ah Rakhine ram, Than-tway khua in Sittway khua lei a kal cuahmahmi palik mawtaw 3 le licence ngei lo an tlaihmi mawtaw pakhat cu Yangon-Sittway highway lam cung ah AA nih an rak doh hna hi a si.

Palik mawtaw pathum le licence ngei lo tlaihmi mawtaw pakhat cu Sittway khua ramkulh palik zungpi ah va ap ding in minung 1 nih mawtaw pakhat cio, minung 4 nih an rak mongh.

An kal cuahmah lio ah an tarhmi bomb nih mawtaw a puah hnawh. Cun, an mawtaw cu an hun dirter i AA pawl nih meithal in an rak kah thluahmah hna.

A hmun ah palik pahnih cu an nunnak a liam, pahnih tu cu an luat manh.

-Yezarni

Latest News