Yangon-Naypyidaw Kar Motor Lehnak in Laimi Pahnih Nunnak Liam

| The Chin Journal | Hakha, Chin State

Yangon le Naypyidaw kar Highway lampi ah motor lehnak a chuak i Laimi pahnih an nunnak a liam tiah thawng kan theih.

June 27 zan sml. 11:15 hrawng ah Yangon-Naypyidaw karlak mengtung 160/3-4 zawn ah motor lehnak a chuah hi a si i, a chung ah aa citmi pa pakhat le nu pali lak ah nu pahnih cu a hmun ah an nunnak a liam.

“An i citmi motor hi Parado a si i a kal cuahmah lio ah ahnulei kee hnih ning in a kek i atu bantuk in motor lehnak fak ngaiin a chuah hi a si,” tiah Highway lam tuanvo ngeitu palik zung nih an langhter.

A nunnak a liammi hna cu Sopum khuami Jenny Van Lal Pek le Hakha Khuachung ah a ummi Pi Huat Men an si.

A nunnak a liammi Pi Huat Men i a fapa nupi zong hliamhma a pu. A dang pahnih an him i Taungngu sizung ah an kalpi hna.

Naypyidaw ah a ummi Laimi pastor pahnih nih vung veh ding in an kal hnawh cang hna.

Aa letmi motor hi Hakhathar khuabawi hlun Pu Tial Kung motor a si, tiah thawng kan theih.

Latest News

News in Burmese