Yangon Mipi Citmi YBS Bus Mongpa a Ninghngal Ning| Video

| The Chin Journal | Hakha, Chin State

Yangon khuachung i mipi citmi YBS Bus mongtu lak ah mitha le khuaruat thiam tampi an um nain acheu cu mipi zei ah a rellomi, mininghngal zong an rak tam ngaingai.

May 6 ah khan YBS No. 37 Air Con Bus aa citmi pa pakhat le nu pakhat nih an tumnak ding Bus Stop fiang in an thei lo. Yangon ah sau a um lomi ca ah Bus Stop hi theih colh a har ngaingai tawn.

An kal duhnak Bus Stop an phak lai ah Bus in tum duh tikah hmeh tawnmi darkhing bottom te cu an hei hmeh. Asinain, a mongtu pa nih Bus cu dirter loin Bus Stop cu a lanhtak.

Cucaah, “Darkhing kan hmeh komi ziah na kan dirpiak lo. Kan tum nakding Bus Stop na lanhtak” tiah an ti.

Tikah a mongtu pa nih Bus cu a dirter i a hnulei ah a thumi mipa le minu cu a run rat hnawh hna. “Ziah nan tum hlan ah bell nan tum lo…” tiin a phunphun in a run zaihnawh hna.

Minu le mipate nih hin Bus Stop an phak hlan deuh ah bell an hmeh ko. Atu bantuk in mi a tum ding an tam tuk lo le Bus Stop in motor a rak i cit dingmi an um lo ahcun Bus dirter duh loin Bus Stop lanhtak a hmangmi YBS motor mongtu hi an um tawn.

Latest News