Yangon Lai Khual-Inn ah Laitlang Lei Mizaw aa Thummi an Um Pah Cang

| The Chin Journal | Hakha, Chin State

Yangon khua i, All Chin Society vawleihmun ah Lai Chiathat Bu (LCB) nih a sakmi Lai Khual-Inn ah Laitlang lei in mizaw a tthummi an um pah cang, tiah ttuanvo ngeitu sin in thawng kan theih.

Hi Lai Khual-Inn hi North Dagon, Anawratha lam le Kungbawng lamton ah a ummi a si i, LCB nih October 2019 ah onnak an rak tuah.

LCB Secretary Pu Peng Hu nih, “Atu hi Laitlang lei in mizaw pathum aa tthummi an um i, mizaw congtu he cun minung 10 hrawng an si. Tu thla chung ah mizaw dang a rak phan ding an um rih,” tiah a chim.

Hi LCB inn ah hin meeting tuahnak ca ah Hall zong hlan khawh a si. Hall hlan le Laitlang lei mizaw tthumh a duhmi hna nih LCB upa hna: Pu Peng Hu – 09795841403 (LCB Secreatary); Pu Lian Iap – 09895924486; Pu Tha Bik David – 09964250221; Pu Cia Hmung – 09250269768 sin ah pehtlaihnak tuah khawh a si.

Laitlang lei ah khulrang in tlun a duhmi hna zong nih LCB sin ah motor mandeng tein hlan khawh a si. Chiatpang a tongmi ca ah cun 30% in 50% karlak tiang tthumh in mandeng tein motor hlanh an si.

Latest News

News in Burmese