Yangon Chin Khrihfabu Pawl ah Paletwa Ralzam Ca ah Tlawmhalnak an Tuah

| The Chin Journal | Hakha, Chin State

Chin ramkulh Paletwa peng ah AA le Kawl ralkap kahdohnak ruang ah harnak a tongmi Chinmi ralzam hna ca ah Yangon ah bawmhalnak an tuah cuahmah ve, tiah theih a si.

Bawmhalnak cu Yangon khua ah Chin ramkulh hmun kip in University a rak kaimi sianghleirun siangngakchia bu Chin Literature and Culture Committee (CLCC) hruainak in June 23 thawk in an tuah.

“Nihin ah Chinmi Khrihfabu pahnih ah kan kal i bawmhalnak kan ngei. Yangon khuachung i Chin Khrihfabu 18 ah bawmhnak hal ding in timhtuahnak kan ngei,” tiah tuanvo ngei tu Mai Ei Sandar Mang nih a chim.

Paletwa ralzam hna ca i bawmhalnak cu Chin ramkulh chung Mindat, Matupi le Falam zong ah tuah a si cang i Hakha zong ah June 24 in an tuah ve lai, tiah theih a si.

Latest News

News in Burmese