Yangon ah Vuangtu Khuami “Van Lal Bik” Zarh Thum Hrawng a Tlau Cang

| The Chin Journal | Hakha, Chin State

Yangon khua, North Dagon ah Thantlang peng Vuangtu khuami Van Lal Bik (kum 27) a tlau i atu in cun zarh thum hrawng a rauh cang caah chungkhar an lungre a thei ngaingai.

Van Lal Bik cu kan hnu September 19 ah khan Hlaing Thirih Housing (Hlaing Myone) in chun sml. 2:00 hrawng in a chuak i North Dagon ah a ummi Bishop No Chum te sianginn ah minung ton ding in a vung kal.

Bishop No Chum sianginn ah ton a timhmi a hawipa a um i lo i a tong kho lo. Van La Bik cu inn lei ah a ttin than i cu ni thawk cun a umnak hngalh a si ti lo.

Van Lal Bik tlau kong he pehtlai in North Dagon ah a ummi an chungkhar Mya Wat Ye zong nih mitlau kawlnak catlap a phawtzamh i Yangon ramthen chung i palik zung tampi ah thawngthanhnak a tuah.

Pegu lei zong ah Van Lal Bik kawlhawlank catlap phawt ding in nihin ah kan timhtuah, tiah Mya Wat Ye nih a chim.

Van Lal Bik hi Vuangtu khuasa Pu Lal Cuai le Pi Hniang Tial hna i an fapa a si i, lungthin lei damlo deuh in a rak um ruang ah Malaysia in Myanmar ah aluancia kum 2 hrawng khan a rak tlung.

Laitlang ah caan karlak chung a um hnu ah Yangon ah a rak ra. Yangon a um chung ah damlo deuh in a um caah lungthin lei thlopbulnak Ywa Thar Gyi Mental Hospital ah voi 2 an rak piah.

A tlaunak a hun sau pah ngaingai cang caah chungkhar an lungre a thei i a hmutu nan um el a si ahcun North Dagon ah a ummi Mya Wat Ye sin ah Phone-09450007813 le 09400302532 hin pehtlaihnak kan tuahpiak hram u.

Latest News