Yangon ah Taxi a Hlangmi Minung 4 nih a Mongtu Pa a Hngawng ah Nam in a Aah

| The Chin Journal | Hakha, Chin State

Yangon ramtthen, Mingalardon khua i Khayepyin lam cung ah Taxi aa citmi minung 4 nih motor mongtu pa a hngawng ah nam in an aah, tiah theih a si.

March 9, chun sml. 12:45 hrawng ah Khayepyin lamthluan i No. 3 lamton ah Taxi aa citmi minung 4 nih cun a mongtu cu a hnawng ah namte in an hmuah i tangka an hal.

Taxi mongtu pa zong nih lehrul ding in a hun i sual ve tik ah motor cu lamkam ah a vung i khawt. Taxi mongtu pa cu a hngawng ah namte in a aah ta i a tangka an lak dih hnu ah an zaamtak.

Taxi mongtu pa hi kum 50 hrawng minung a si i, namte in an aah hma cu a lenglei vun lawng a hleu caah nunhim in a um.

Taxi mongtu pa nam in a hnawng ah a aat i tangka a ramhtu minung 4 cu suimilam pakhat a rauh hnu ah palik nih an zapite in an tlaih khawh hna, tiah theih a si.

Ref: Yangon Police

Latest News

News in Burmese