Yangon ah a Tlau an Timi Lai Nungak No Pa a Rak Dawi Diam

| The Chin Journal | Hakha, Chin State

May 3 in Yangon in a tlau tiah thawngthanhnak kan rak tuahmi Lai nungak no Roslyn (kum 18) cu May 8 ah chungkhar he pehtlaihnak an ngei kho cang, tiah thawng kan theih.

Roslyn cu Kalay peng, Inn Cin Khung khuate ah a ummi a si i, Yangon ah midamlo a pa sii-in piah ding in an rak ra. Amah hi Kalay University ah kum 2nk a kai lio zong a si.

An tlunnak North Dagon, sang no. 43 i Pu Ting Thang te inn in Roslyn cu May 3 zinglei sml. 5:30 hrawng ah a chuak i a thawngpang an rak thei ti lo.

Pu Ting Thang nih, “Palik sin zong ah report kan tuah i palik nih hlathlainak kan tuah hnu ah thawngpang kan in thanh hna lai a kan ti,” tiah The Chin Journal ah a rak chim.

Sihmanhsehlaw, Roslyn nih a chungkhar cu May 8 chun ah phone in pehtlaihnak a rak tuah hna. Hpa-an (ဘားအံ) ah pa a vung dawi ruang ah chungkhar sin ah chimphuan ngam loin a tlau tiah an rak ruahnak hi a si.

Latest News