Wuhan Khua ah COVID-19 Mizaw an Hmuh Than Hna

| The Chin Journal | Hakha, Chin State

Tuluk ram Wuhan khua ah COVID-19 mizaw an um ti lo tiah Lockdown an tuahmi an on hnu ah mizaw paruk a voi khatnak bik an hmuh tthan hna.

Wuhan khua cu COVID-19 zawtnak aa thawknak hmun a si i, ni (76) chung Lockdown an tuah hnu April 8 ah an rak on tthanmi a si.

May 8 le 9 ah khan COVID-19 zawtnak a ngeimi minung paruk a thar in an hmuh tthan hna hi a si i, khuami vialte COVID-19 zawtnak an ngeih le ngeih lo zohfel ding in acozah nih timhtuahnak a ngei colh ve.

Wuhun khua in COVID-19 zawtnak a rak i thawk hnu in Tuluk ram ah minung 4,600 leng an nunnak a liam i cu chung ah cun 3,869 hi Wuhan khua in an si.

Tuluk cozah COVID-19 zawtnak a kham khawh tiah an zumh lio ah atu bantuk in zawtnak a ngei tharmi an hun langh tthan tik ah Tuluk ram ah COVID-19 pulrai a voi hnihnak (Second Wave) a hun chuak tthan kho, tiah an ruahdamh.

Cherhchan: CNA

Latest News

News in Burmese