World Bank Tangka in Thantlang Peng Fimcawnnak an Bawmh Ve Lai

| The Chin Journal | Hakha, Chin State

World Bank (WB) sin ah cawimi tangka in Thantlang peng zong ah acozah nih fimcawnnak lei bawmhnak a pek lai, tiah thawng kan theih.

WB tangka cawimi $100 million in Myanmar ramchung peng 115 i sianginn pawl bawmhnak pek ding in timhtuah a si i, Chinram ah peng pali nih an hmu ve.

Cu chung ah cun Thantlang peng zong aa tel. Paletwa peng, Kanpetlet peng le Mindat peng zong ah WB phaisa in fimcawnnak lei bawmhnak an pek hna lai.

Myanmar rampi fimcawnnak zung nih ramchung hmun hla deuh ah a ummi pawl fimcawnnak lei thancho nakding ca ah upavo pek in a thim hna.

Cu WB phaisa cun siangngakchia hna thiamnak lei an thancho nakhnga, sianginn chuah aa timmi siangngakchia hna nih pehzul in fim an cawn khawh nakhnga le chanthar IT fimthiamnak lei cawnnak ah bawmtu thilri pawl zalhpiak ding timi aa tel.

Hi WB Phaisa hin 2019-2020 tangka kum in 2022-2023 tangka kum tiang kum 4 chung riantuan ding in i hmaithlak a si.

Latest News