Win Le Zaw Thihdan Thotho i Huah Ding in Bia an Chah

| The Chin Journal | Hakha, Chin State

Thailand Supreme Court nih nihin August 29 ah Win le Zaw cu thihdan thotho pek ding in biachahnak a tuah, tiah theih a si.

Atutan hi Win le Zaw ca ah a donghnak bik biaceih zung ah nawlnak an tuah a si, thih dan thotho an pek tik hna ah Thai siangpahrang sin lawng ah nawlpat khawh a si cang.

August 21, 2017 ah khan cahmai 318 a chahmi cathluan in Koh Samui biaceih zung ah nawlnak an rak ap i kum 2 a rauh hnu nihin ah biachahnak an tuah hi a si.

Nihin biachahnak an tuahmi cathluan cu Thailand suimilam in zinglei sml. 10:00 in an rel i chun sml. 1:00 tiang suimilam pali chung a rau.

Win le Zaw tiah a tawinak in auhmi Ko Win Zaw Tun le Ko Zaw Lin cu aluancia ွSeptember 2014 ah Thailand ram, Koh Tao tikulh ah British nungak tlangval an thah hna timi sualphawtnak in December 2015 ah thihdan pek an rak si.

Mirang in rel: Thailand’s top court upholds Myanmar workers’ death penalty in British backpacker murders

-7Day News Journal, Mizzima English, Channel News Asia

Latest News