WFP nih Chin Ralzam Hna a Voi Khatnak Bik Bawmhnak a Pek Khawh Cang Hna

| The Chin Journal | Hakha, Chin State

UN tang ah a ummi World Food Programme (WFP) nih Sami khua ah aa dormi Chin ralzam hna sin ah eidin tirawl bawmhnak a voi khatnak bik a phakter khawh cang, tiah theih a si.

Ahmasa ah cun Paletwa ralzam bawmhnak kong ah hin kanmah Chin cozah, Chin miphun hna le Chin miphun chung i zatlangbu hna lawng mah si khawh tawk in rak cawlcangh a si.

Asinain, atu ah cun UN nih a kut a vun samh i Same ah a ummi Paletwa ralzam hna sin ah bawmhnak a hun phakter khawh hi a si.

WFP nih Myanmar ram aiawhtu ah an hmanmi Stephen Anderson nih, “Sami khua ah a ummi ralzam chungkhar hna sin ah bawmhnak kan phakter khawh cang. Atu bantuk in bawmhnak a phak khawh nakhnga a kan tawlrelpitu Chin ramkulh cozah le Myanmar ram zatlang mibawmtu vuanci zung cung ah kan i lawm tuk,” tiah lunglawmhnak a langhter.

Cu lawng si loin chawlehthalnak lam pawl phihkhar khenh a tongmi Paletwa khua le a kiangkap khuate pawl ah bawmhnak phakter khawh a si nakhnga WFP nih kan i zuam cuahmah lio a si, tiah Anderson nih a chim chap.

WFP kum tinte vawleicung ram 80 ah tirawl harnak a tongmi minung tampi a bawmchantu a si i, Paletwa ralzam hna sin ah atutan hi a voi khatnak bik bawmhnak an phakter a si.

Latest News

News in Burmese