/

Vuancichoh Rian an Ka Khinh Zong ah Ready Ka Si: U Soe Htet

The Chin Journal | Hakha | Chin State
Chin ramklh Sipin Vuanci U Soe Htet| Photo - The Chin Journal

Chin ramkulh Chief Minister rian an ka khinh zong ah ready ka si i, rian dangdang an ka khinh zong ah ttuan khawh ding in ready ka si ko, tiah atulio Chin ramkulh cozah chimnak nawlngei le Chin ramkulh sipin vuanci a simi vuanci U Soe Htet nih a chim.

“Vuancichoh hmunhma hi Chin mipi le acozah nih an ka khinh a si ahcun ttuan ding in ready ka si ko timi chim ka duh. Kan (Chin) ram thil sining zong a zatawk in ka theih ko tiah ka ruah. Cucaah, azeiti a si hmanh ah rian a ka khinh ahcun ready ka si ko,” tiah a chim.

A sang bikmi vuancichoh rian si loin vuanci rian le a dangdang rian pawl khinh ka si zong ah ttuanvo lak khawh ding in kaa zuam lai, tiah U Soe Htet nih a chim chap.

“Pakhat in chim chap ka duhmi cu rank sang bik a si lo zong ah atu ka ttuanmi bantuk vuanci rian le a dangdang rian khinh ka si zong ah ttuan kho ding in ready thotho ka si. Atu zong Chin ramkulh chung i a herhnak hmun paoh ah thleidannak kum loin ka kal i ka ttuan cuahmah ko,” tiah a langhter.

2015 le 2020 thimnak ah U Soe Htet cu NLD aiawh in Paletwa peng ramkulh mehmun no. 1 in aa cuh i a voi hnih ning in teinak a hmu.

U Soe Htet hi ahlan Myanmar ralkap a rak ttuanmi a si i, Lieutenant Colonel (ဒုတိယဗိုလ်မှုးကြီး) rank tiang a phanmi a si.

November 8, 2020 Myanmar rampi thimnak ah NLD nih Landslide in teinak an hmu tthan i Chin ramkulh ah cun U Soe Htet hi Chief Minister rian an khinh te lai, tiah Social Media ah biathli a leng.

[Credit: Khonumthung]

© The Chin Journal thawngpang Website dang ah nan tleng hrimhrim lai lo.

HNUBIK THAWNGPANG


ELECTION


COVID-19