Vuanci Soe Htet aa Citmi Tilawng AA Hriamtlai nih Meithal in an Kah

| The Chin Journal | Hakha, Chin State

Chin ramkulh sipin vuanci U Soe Htet aa citmi tilawng cu Paletwa peng, Kaladan tiva cung a kal lio ah AA hriamtlai nih meithal in a lang in an run kah, tiah thawng kan theih.

Hi thil a can hi nihin chun suimilam 1:30 hrawng ah a si i, AA meithal kah ruang ah hliamhma a pumi an um lo.

Vuanci U Soe Htet aa citmi tilawng meithal in kah a tonmi kong ah Khumi Affiars Coordination Council (KACC) nih AA cung mawhchiatnak cathanh zong nihin zanlei ah an chuah ve.

Vuanci U Soe Htet hi Paletwa ralzam vehvat pah le Thimnak ca ah Vote khel ding in Paletwa ah a phak hi a si.

Chin ramkulh sipin vuanci a si pin ah Chin ramkulh cozah chimnak nawlngei a simi vuanci U Soe Htet cu atu 2020 thimnak zong ah Paletwa peng Chin ramkulh Hluttaw mekuang ah aa zuam lai.

Latest News