/

VP Kamala Harris nih Biakamnak ah Bible Pahnih aa Tlaihnak Aruang

The Chin Journal | Hakha | Chin State

US vice-president thar Kamala Harris nih biakamnak ah Bible pahnih a hman. Ahlan ah ahohmanh nih Bible pahnih an hmang ballo.

Kamala Harris nih a hmanmi Bible pahnih lak ah pakhat hi Supreme Court Justice a rak ttuanmi Thurgood Marshall Bible a si.

Thurgood Marshall hi Kamala Harris nih a nunnak ah aa zohchunh ngaimi pa a si caah amah Bible thengmang hmang in biakamnak a tuah hi a si.

Cun, Kamala Harris nih a hmanmi a dang Bible pakhat hi an innpa a simi Regina Shelton ta a si. Regina Shelton hi Kamala Harris te unau an ngakchiat lio tein ttha tein a rak zohkhenhtu innpa ttha ngai a si.

Kalama Harris le a naunu Mary hi Regina Shelton nih an ngakchiat lio tein biakinn ah a rak pumhpi lengmangmi hna an si. Kalama Harris nih, “Regina hi hringtu nu can ah ka hmuhmi a si,” tiah a rak chim.

Cherhchan: CNN

THAWNG THAR

The Chin Journal Internship Program ah Thantlang, Hakha le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.