VP Henry Van Thio Nih Mon Ramkulh Tilian Hartong Pawl Pumpak in a Vehvat Hna

| The Chin Journal | Hakha, Chin State

Mon ramkulh chung i leimimhnak le tilianhnak ruang ah harnak a tongmi pawl cu Myanmar Vice President Henry Van Thio pumpak in vehvatnak a vung ngeih hna, tiah theih a si.

Kokek harnak a tongmi pawl ca ah an sermi Camp hmun 4 le Mawlamaing sizungpi ah harnak a tongmi pawl cu a vung zoh hna i thazaang peknak le facang bawmhnak peknak a ngeih hna.

Henry Van Thio cu Myanmar ramchung kokek harnak kong he pehtlai in tawlreltu committee ah Chairman a si bang in atubantuk hin amah pumpak in vehvatnak a vung tuah hi a si.

August 10, ruah fak piin a sur ruang ah Mon ramkulh, Paung peng chung ah a ummi Thay Phyo Kung khuate cu tlang a mimmmi nih a cilh i atu tiang ah miruak 60 dengmang an char cang.

Mon ramkulh chung a dang khuate pakua zong ah harnak an tong i, lam le sul zong an rawh ca ah pehtlaihnak a har ngaingai, tiah theih a si.

Latest News