/

Vok Zawtnak Phun Khat in Hakha ah Vok Tam Nawn an Thi

The Chin Journal | Hakha | Chin State
Aiawh Hmanthlak: Hakha khuachung i chungkhar nih an zuatmi vok

Zei bantuk a si timi theih rih lomi vok zawtnak phun khat in Hakha khua ah vok tam nawn an thi cang, tiah thawng kan theih.

A zawmi vok cu an thi lai ah thawchuah an i harh i, an takcung hmul zong tisa in toihmi bantuk in an tlong.

“Zawtnak in a thimi vok pahnih lak ah pakhat cu a thih lai ah hin a thawchuah aa harh ngai. Cun, an hmul hi tisa in toihmi bantuk in an tlong dih,” tiah saya Za Cung Lian nih a chim.

Abikin Chin-Oo-Sii le Kohkun sang ah hi vok zawtnak hi atulio ah a cang i vok 15 hrawng cu an thi cang, tiah saram lei sibawi Biak Hmun Sang nih a chim.

“Atu tiang keimah theih tawk ah vok 15 hrawng cu an thi cang. Abikin, Chin-Oo-Sii le Kohkun sang ah hin a si. Sii kan chunh i a dammi zong cu an um ko nain an tlawm ngai. Sii kan chunhmi san a tlai tuk lo. Zei bantuk vok zawtnak a si timi kan theih rih lo,” tiah a chim.

The Chin Journal Internship Program ah Thantlang, Hakha le Falam ah a ummi paoh i tel khawh a si. Thawngpang lak lenvahnak le Internet Data man thla khat ah 40,000 kan in pek lai. Hi Internship Program ah i tel na duh ahcun APPLICATION FORM hi phi ve.