VIP Party ah an Hlanmi Thai Top Model Ruak Inntang ah an Chiah| Video

| The Chin Journal | Hakha, Chin State

Thailand ram ah Lunlabella tiah a minthang ngaimi Model Thitima Noraphanpiphat (kum 25) cu September 17 zinglei ah khan Bangkok khua i Talat Phlu timi Market pawng Condo inn tang bik dot kutka hram ah a ruak in an hmuh.

September 16 zaan ah Bangkok ah a ummi mirum minung 10 hrawng nih VIP Party an tuah i model Thitima Noraphanpiphat hi suimilam pahnih chung ca ah Baht 5,000 (250,000 MM) in an hlan.

VIP Party puai ah chawlehchawhrawl a tuahtu mirum pawl, sihni pawl le mirum fapa pawl an i tel hna.

A thaizing ah Party an tuahnak inndot tang bik kutka hram ah Thitima Noraphanpiphat cu a ruak in an hmuh tikah mizapi an khuaruah a har cio. Inn a tin lei ah ruah lo piin a thi, tiah an ruah.

Asinain, CCTV an check tik ah tursaphur thil sining an hun hmuh. Pa pakhat nih a cawlcaang ti lomi Thitima Noraphanpiphat ruak cu inntang ah a tumpi lio CCTV ah a lang.

Thailand ram ah atu bantuk in mirum pawl nih Party an tuahmi ah model pawl an hlan hna i an dinmi tihaang ah ritsii an cawhpiak hna hnu ah a bu in an tlaihrem tawn hna ti phunphai hi a tam ngaingai.

Atutan model Thitima Noraphanpiphat zong hi a dinmi ah ritsii cawhpiak hnu ah tlaihrem tong sehlaw a dawh tiah palik nih an ruahdamh.

Asinain, a ruak an checknak a phi fiang in a chuah rih lo caah zeitindah a thih ning a si timi an fianter kho rih lo.

Thitima Noraphanpiphat ruak inntang ah a chiatu kum 24 a simi Rachadech Wongtabutr timi pa zong palik nih an tlaih cang, tiah theih a si.

-Bangkok Post

Latest News