Vice President (2) le a Chungkhar COVID-19 Zawtnak an Ngei Lo

| The Chin Journal | Hakha, Chin State

Myanmar President (2) Henry Van Thio le a chungkhar COVID-19 zawtnak an ngei lo, tiah Myanmar President Office nih a fehter.

Aluancia ni 60 hrawng ah Myanmar ram minthang Evangelist David Lah le Henry Van Thio naihniam in an kal ttimi hmanthlak online ah tar a si hnu in COVID-19 zohfelnak an tuah colh hna hi a si.

Henry Van Thio he naihniam in a ummi a chungkhar le zung rianttuantu tibantuk pawl minung (32) cu nizan ah a rannak in zohfelnak an tuah hna.

Myanmar President Office nih, “Nihin zinglei tuante ah an result a chuak. Vice President (2) telh in minung 32 an zohfelmi hna ah ahohmanh COVID-19 zawtnak an ngei lo,” tiah News Watch ah an chim.

Henry Van Thio nupi Dr. Anna Sui Hluan zong nih, “Zawtnak a ngei lo, Negative a si” tiah nihin zing ah a Facebook ah a tar.

Latest News

News in Burmese