Vawleicung Mirum Bill Gates nih COVID-19 Dohnak $100 Million a Hlut

| The Chin Journal | Hakha, Chin State

2020 chung ah vawleicung mirum bik cazin number pathumnak ah a ummi Bill Gates nih Covid-19 zawtnak dohnak ca ah $100 million a hlut, tiah theih a si.

Bill Gates nih a hlutmi tangka pawl hi abikin Africa vawleitthen le Asia vawleitthen chung i ram sifak deuh ca ah hman a si lai.

Bill Gates lawng si loin Tuluk mirum bik Jack Ma zong nih Covid-19 thlopbulnak sii chuah nakding ca ah $14.5 million a hlut ve.

Cun, Hong Kong mirum Li Ka Shing zong nih Wuhan khua ah Covid-19 zawtnak a dohtu sii lei rianttuantu hna ca ah $13 million a hlut ve.

Italy mirum a simi Giorgio Armani nih an ramchung ah zualhma ngaiin a cang cuahmahmi Covid-19 zawtnak dohnak ca ah $1.5 million a hlut.

A cunglei vawleicung mirum pawl le a dangdang min langhter lomi vawleicung mirum pawl nih Covid-19 zawtnak dohnak ca ah tiin an hlutmi tangka hi $129.65 million a si nain atu tiang ah Covid-19 zawtnak cu hmualngei ngaingai in an doh kho rih lo.

Ref: Irrawaddy

Latest News

News in Burmese