Vawleicung Daihnak Ni ah Hakha YMCA nih Angki Zun 200 a Phawt Hna

| The Chin Journal | Hakha, Chin State

Nihin September 21 cu Vawleicung Daihnak Ni (International Day of Peace) a si nain COVID-19 zawtnak ruang ah ahlan ningkel in tuah khawh a si lo.

Hakha khua zong ah COVID-19 ruang ah rak timhtuah ning in an tuah kho lo i, YMCA hruainak in bi te tu in an tuah.

YMCA nih Hakha ah a tuahmi Vawleicung Daihnak Ni puai a tawlreltu Van Cung Cin nih, “Nihin cu International Peace Day a si. COVID-19 ruang ah zeihmanh kan tuah kho lo. Mah zawtnak hi um hlah sehlaw Carson Hall ah hlasaknak puai sunglawi ngaiin tuah kan timhmi a si. Hmanthlak zuamnak lawng kan tuah i, angki zun 200 kan phawt hna,” tiah a chim.

Kum dang tawn ah vawleicung hmun kip ah sunglawi ngaiin an tuah tawnmi International Day of Peace cu COVID-19 ruang ah vawleicung hmun kip ah bi te cio in ulh a si.

Latest News

News in Burmese