Vawleicung COVID-19 Mizaw 1 Million Leng an Si Manh Cang

| The Chin Journal | Hakha, Chin State

Minung le minung i chonhnak in khulrang tuk in a karhmi COVID-19 zawtnak cu April 3 ah cun vawleicung minung 1 million (Ting 10) leng an i chawn cang, tiah theih a si.

Vawleicung milu 1,015,500 sin ah COVID-19 zawtnak hmuh a si cang i, cu chung ah cun minung 212,400 hrawng nih damnak an hmu tthan ve. A dang minung 53,000 leng an nunnak a liam.

Atulio cu US ram ko ah hin COVID-19 zawtnak a fak khun. April 2, ni khat chung lawng ah US ram ah COVID-19 zawtnak in minung 1,000 hrawng an nunnak a liam.

US lawng si loin France ram zong ah April 2 ah khan minung 1,300 leng an nunnak a liam.

US le France lawng ah si loin Italy le Spain zong COVID-19 zawtnak faak tuk in a tlung i, ni khat chung lawng ah minung a zaza in an nunnak a liam ve, tiah theih a si.

Ref: BBC, CNN

Latest News

News in Burmese