/

USDP nih Myanmar Rampi Thimnak a Thar in Tuah Than Ding in an Hal

The Chin Journal | Hakha | Chin State

November 8 tuahmi thimnak kong he pehtlai in USDP nih nihin ah Press Conference an tuah i, thimnak ah dinfel lonak a um len caah kan cohlang lo, tiah an chim.

Nihin Press Conference ah USDP nih, “Myanmar ralkap le Union Election Commission (UEC) i bawm in upadi he aa tlakmi thimnak kan tuahpiak tthan u,” tiah halnak an tuah hi a si.

Atutan thimnak kong he pehtlai in chambaunak phun 13 in USDP nih an langhter i, NLD nih rian a khinhmi UEC upate nih Myanmar thimnak rian tlamtling in an ttuan kho lo, tiah mawhchiatnak zong an tuah.

UEC nih thimnak result azapi in a fehter rih lo nain ramkulh le ramtthen kip i vote relmi zoh tik ah 2015 thimnak nakin atu 2020 thimnak ah USDP a sungh ningcang a fak khun.

Kan Chin ramkulh ah USDP nih tthudan pakhat hmanh a hmuh lo bang in atu tiang theih tawk Myanmar ramchung zong ah thudan 22 hrawng lawng a hmu.

NLD nih cozah a ser khawh nakhnga Pyidaungsuh Hluttaw ah tthudan 322 a herh i atu ah tthudan 380 leng a hmu cang.

© The Chin Journal thawngpang Website dang ah nan tleng hrimhrim lai lo.

HNUBIK THAWNGPANG


ELECTION


COVID-19