USDP Minung 6 an Tlaih Hna, 2 an Ruak in an Char hna

| The Chin Journal | Hakha, Chin State

Sangaing ramtthen, Katha peng ah USDP chungtel a simi minung 6 an tlaih hna i nihin ah minung 2 cu an ruak in an char hna, tiah theih a si.

Katha peng, Moe-Hta-Lay khuate ah a ummi USDP chungtel minung 6 cu nihin July 17 ah ralhraim aa kenmi mibu nih an kalpi hna.

USDP chungtel khuami 6 an tlaih hna lio a hmutu khuami pakhat nih, “Nihin zinglei sml. 2:00 in 3:00 karlak hrawng ah meithal aa kenmi minung 60 hrawng an rak ra i, an tlaih hna. Zei bu an si kan thei hna lo. An hmai zong puan in an i huh,” tiah a chim.

Tlaih a tongmi hna hi kum 30 in kum 65 karlak pa lawngte an si hna.

Minung 6 an tlaihmi hna chung ah kum 65 a simi U Tin Win le kum 30 a simi Ko Ko Maung cu nihin chun ah phungki sianginn pawng ah an ruak in an char hna.

A dang minung 4 hi atu tiang an umnak an thei hna lo. A thimi minung 2 le a dang minung 4 hi Moe-hta-Lay khua USDP chungtel an si, tiah khuami an chim. (Ref: VOM)

Advertisement

Thawngpang Thar