US Vawlei ah India Prime Minister nih Pangpar Kung a Tlami a Char| Video

| The Chin Journal | Hakha, Chin State

US cozah tuanvo ngeitu pawl nih India Prime Minister Narendra Modi an don pangpar kung pakhat vawlei ah a tla sual i cu pangpar kungte cu a keng a hun i kun riangmang i Narendra Modi nih a char.

PM Modi cu September 21 ah US ram, Texas State, Houston khua ah vanlawng in a phan.

US cozah tuanvo ngeitu nih an don lio ah nu pakhat nih pangpar tom a pek. Cu a pekmi pangpar tom chung in pangpar kung pakhat vawlei ah a tla sual.

Cu pangpang kung a tlamite cu nautatnak pakhat hmanh ngei loin PM Modi nih a char tik ah vawleicung mi tampi nih PM Modi thiltuahmi cung ah thangthatnak le upatnak an pek.

Anmah India rammi hrimhrim nih an i uanthlar ngaingai i, India ramchung Media kip nih cuti pangpar kung a char lio video tawite cu an langhter cio.PM Modi Texas ah a phak bang in US President Donald Trump zong Texas ah a kal i PM Modi he mipi sin biachim tinak an ngei lai.

India PM US ah a phak bang in India he aa engtai zungzalmi Pakistan Prime Minister zong nihin ah New York ah a phan ve lai i, September 23 ah Trump he an i tong ve lai, tiah theih a si.

-CNN, BBC, VOA

Latest News