US Ramri Pawng Tiang a Rak Phanmi Russia Vanlawng 6 an Thawl Hna

| The Chin Journal | Hakha, Chin State

US ram, Alaska van ah a rung lutmi Russia raldohnak vanlawng paruk cu US van ralkap nih F-22 Fighter vanlawng pawl in an thawl hna, tiah theih a si.

Russia ralkap ta a simi bomb thlatu vanlawng a nganmi pali le finghter vanlawng pahnih cu Alaskan Air Defense Indentification Zone (ADIZ) chung ah an run luh ruang ah US nih F-22 Fighter vanlawng pawl hmang in an dawi hna hi a si.

Russia runvennak vuanci zung nih, “Kan vanlawng pawl kha training tuah ah a zungmi an si. US ramri chung ah lut loin International Airspace chung ah an um ko,” tiah a chim.

Alaskan Air Defense Indentification Zone (ADIZ) timi (Van) ramri chung ah hin US le Canada ramri tlawmpal veve an i tel.

Cu ramri cu North American Aerospace Defense Command (NAADC) nih runvennak lei ah tuanvo a lak.

Nawlngeitu sin ah thawngthanhnak tuah loin hi ADIZ timi van ah khualtlawng vanlawng siseh, ramdang ralkap vanlawng siseh an luh a si ahcun US le Canada ram humhimnak ca ah tihnung a si tiah an timi a si.

Cuka van ah cun May 20 ah Russia vanlawng paruk an rak lut i US raldohnak vanlawng F-22 pahnih nih an thawl hna hi a si.

-North American Aerospace Defense

Latest News