/

US nih Dantatmi Myanmar Ralbawi 10 le Company Pathum

The Chin Journal | Hakha | Chin State

Myanmar ram uknak laknak ah ttuanvo ngeitu bik a simi ralbawi 10 le ralkap he aa pehtlaimi sipuazi rianttuannak company pathum cu US nih dantatnak a tuah cang.

Dantat a tongmi ralbawi 10:

  • Senior General Min Aung Hlaing (Commander-in-Chief)
  • Vice-Senior General Soe Win (Deputy Commander-in-Chief)
  • General Tin Aung San
  • General Mya Tun Oo
  • Lt. General Ye Win Oo
  • Lt. General Aung Lin Dwe
  • Lt. General Ye Aung
  • Lt. General Soe Htut
  • Lt. General Sein Win
  • Lt. General Myint Swe (Atu Caan karlak President) hna hi an si.

Snr-Gen Min Aung Hlaing le Vice-Senior General Soe Win hi Rohingya kong ah US nih 2019 ah dantatnak voi khat a rak pek cangmi hna an si.

Cun, a cunglei ralbawi 10 hi ralkap cozah nih a sermi State Administrative Council (SAC) ah chungtel lawngte an si hna.

Ralkap he aa pehtlaimi Company pathum dantatmi:

  • Cancri (Gems & Jewelley) Company Limited
  • Myanmar Imperial Jade (Gems & Jewellery) Co., Ltd.
  • Myanmar Ruby Enterprise (Gems & Jewellery) Co., Ltd. hna hi an si.

A cunglei dantatmi pin ah Ministry of Defense, Ministry of Home Affairs le Myanmar Security Force he aa pehtlaimi thilri pawl US ramchung in chuahter/luhter lo ding in fek tein an rengh chap lai.

Dantatmi ralbawi pawl hi anmah pumpak lawng si loin an chungkhar (an nupile le an fale) tiang in dantat chih dih an si.

Cun, Myanmar cozah tangka $1 billion hrawng zong US cozah nih a tlaih i ralkap uknak caan chung ah Myanmar cozah sin ah a pe lai lo.

Myanmar ralkap tangka hmuhnak a simi US ramchung rianttuannak vialte zong phih dih an si lai.

A cunglei dantatnak vialte pin ah a dang dantatnak pek chap ding in ready kan si, tiah US President Joe Biden nih a chim.

Cherhchan: US Department of the Treasury

THAWNG THAR

The Chin Journal Internship Program ah Thantlang, Hakha le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.