US Khuapi Tampi ah Buaibainak le Lamzawhnak a Chuak

| The Chin Journal | Hakha, Chin State

US President thimnak result fiang in theih a si hlan ah US ramchung khuapi tampi ah buaibainak le lamzawhnak a chuak, tiah theih a si.

Atu buaibainak a chuahnak hmun pawl cu Washington, New York City, Chicago, Los Angeles, Seattle, Philadelphia, Minneapolis le Portland khua pawl an si.

Portland ah cun lamkam i dawrkhaan pawl zong lamzawhtu nih an hrawhral dih caah runvennak lak ding in National Guard ralkap an thlah hna.

A cunglei khua lawng si lon Arizona zong ah Donald Trunp a dirkamhtu pawl nih lamzawhnak an tuah i, “Vote tlamtling in kan relpiak dih u,” tiah an au hna.

Atu tiang ah ramkulh pali ah US President thimnak vote an thlakmi rel ding a taang rih–Nevada, Pennsylvania, Georgia le North Carolina hi an si.

Nevada ah Biden nih tlawmpal in Trump a lonh i vote relchap ding 25% hrawng a taang rih.

Pennsylvania, Georgia le North Carolina ah Trump nih Biden a lonh i, vote relchap ding in 10% nak tlawm lawng an taang cang.

Fox News nih a langhtermi Election Result ah cun Joe Biden nih vote 264 a hmu i, Trump nih 214 a hmu. 270 a hmumi nih tei a si.

Cucaah, Electoral Vote 6 a umnak Nevada ah hin Biden nih atu ning in teinak a hmuh lan ah cun Trump cu a sung lai.

Senate thudan cuhnak ah Republican le Democrat an i tluk lio a si. Vote 48 veve an si. Vote 51 a hmumi nih teinak an hmu lai.

House ah Democrat nih Republican an tei deuh hna lio a si. Democrat 204, Republicam 190 tiin an si. 218 a hmumi teitu an si lai.

Latest News

News in Burmese