US in a Rak Tlungmi Chin Pa Sin in COVID-19 Zawtnak an Hmuh

| The Chin Journal | Hakha, Chin State

US ram in Chinram ah nupi tthit awk ah a rak tlungmi Chin pa sin in le England ram in a rak tlungmi pa pakhat sin in COVID-19 zawtnak kan hmuh, tiah Myanmar ram ngandamnak zung nih March 23 zan sml. 11:30 ah thawng a thanh.

Chin pa hi nupi tthit awk ah March 18 ah Tedim peng Kaptel khuate ah a phanmi a si i, a phak hnu ah damlo in a um.

Dam loin a um hnu ah Tedim sizung ah an chiah i, a pumcung tihaang pawl check ding in Yangon ah an kuat hnu March 23 ah COVID-19 zawtnak a ngei, tiah Myanmar ram ngandamnak zung nih thawng a hun thanh.

Myanmar ram ngandamnak zung nih March 23 zaan ah a chuahmi thawngthanhnak

Chin pa cu Tedim sizung ah a dang tein an chiah i conghramhnak an tuah cuahmah lio a si.

England ram in March 22 ah Myanmar ah a rak phanmi pa pakhat sin zong in COVID-19 zawtnak kan hmuh tiah Myanmar ngandamnak zung nih thawng a thanh.

A cunglei Chin pa le England in a rak tlung pa he naihniam in aa pehtlaimi paohpaoh ngandamnak check ding in kan timhtuah cuahmah, tiah thawngthanhnak ah an langhter.

Latest News

News in Burmese