US in a Rak Tlung i Thit-umnak Puai a Tuahtu Chin Pa Taza an Cuai

| The Chin Journal | Hakha, Chin State

US ram in Myanmar ram ah a rak tlung i Sagaing ramtthen Tamu khua ah thit-umnak puai a tuahtu Chin pa Salai Thang Lin Shine (kum 35) cu Tamu biaceih zung ah taza an cuai, tiah theih a si.

Salai Thang Lin Shine hi March 17 ah US in a run i thawh i, March 21 ah Tamu ah a phan.

March 28 zinglei sml. 7:00 ah Tamu ah a ummi Chin nu Mai … (kum 32) he Khawhmunnuam timi khuate ah thit-umnak puai an tuah.

Puai an tuahnak hmun ah minung 100 hrawng an chuak i, COVID-19 zawtnak a um lio, mibu tonpumh kham lio caan ah atu bantuk in puai an tuah rung ah taza an cuai hi a si.

COVID-19 ruang ah Myanmar ramchung hmun kip ah mibu tonpumhnak tuah lo ding in thawngthanh le aupi a si i, biaknaknak pumhkhawhnak tiang in khar chung dih an si hna.

Cu lawng si loin Myanmar ram ah ramdang in a rak tlungmi cu ni 14 chung leng ah mahduh in tlonlen loin Home Quarantine in chiah dingmi phung zong serchuah a si.

Salai Thang Lin Shine nih cu COVID-19 kong he pehtlai in abiapit caan zulphung pawl a buar hna ruang ah atu bantuk in Tamu biaceih zung ah tazacuai aa huah hi a si.

Ref: Tamu IPRD

Latest News

News in Burmese