US Dollar Deu 5,000 Leng Minu Innchung ah an Tlaih

| The Chin Journal | Hakha, Chin State

US Dollar 100 ca, tlap 5,473 cu September 6 zinglei ah Thailand ram Chiang Rai ah palik nih an tlaih, tiah theih a si.

Masaras Nitisakyothin tiah auhmi nu inn ah palik an run phan i, an innchng check ding in an hal.

Sep 6 ah Thai palik nih US Dollar deu 5,000 leng an tlaih

Asinain, minu nih a innchung ah luh a sianh hna lo. Biaceih zung nih minu inn checknak nawl a chuahmi catlap cu palik nih minu an hmuhsak hnu ah palik pawl nih minu in cu an check.

Sep 6 ah Thai palik nih US Dollar deu 5,000 leng an tlaih

Innchung ah bawm pahnih an hmuh. Bawm pakhat chung ah US$15million hrawng a simi dollar 100 ca tlap 4,949 an hmuh i a dang bawm pakhat ah US$1.6 hrawng a simi dollar 100 ca tlap 524 an hmuh chap.

Sep 6 ah Thai palik nih US Dollar deu 5,000 leng an tlaih

Hi dollar deu pawl hi inn ngeitu nu Masaras Nitisakyothin nih zuar chin ding in a timhtuahmi a si.

Catlap tha tuk in tuahmi a si pin ah thiamnak sang hmang in an tuahmi a si caah mah dollar deu pawl hi atak dollar he thleidan an har tuk, tiah Thai palik nih an chim.

Dollar deu he tlaihmi Masaras Nitisakyothin (orhlei)

Masaras Nitisakyothin cu palik nih an tlaih i amah he pehtlaihnak a ngeimi pawl pehzul in tlaih khawh ding in hlathlainak an tuah cuahmah.

Hi dollar pawl hi abikin Thailand le Malaysia ramri hmunram hrawng ah zuar ding in an timhmi a si, tiah theih a si.

-Bangkok Post

Latest News