US: COVID-19 Zawtnak in Ngakchia a Voi Khatnak Bik a Nunnak a Liam

| The Chin Journal | Hakha, Chin State

US ram, Illinois ah COVID-19 zawtnak in kum 1 ngakchiate a voi khatnak bik a nunnak a liam, tiah Illinois ngandamnak zung ih March 28 ah thawng a thanh.

Illinois governor JB Britzker nih, “A nunnak a liammi ngakchiate hi a dangdang zawtnak a ngeih chihmi a um le um lo checkhlatnak an tuah lio a si,” tiah a chim.

Illinois Department of Public Helath ah director a simi Dr. Ngozi Ezike nih, “A nunnak a liamnak aruang taktak theih khawh ding in hlathlainak thuk piin kan tuah lio a si. Hi zawtnak hi kan kham khawh nakhnga kan ti khawh tawk in rian kan ttuan lai,” tiah a chim.

Kum 9 tang ngakchia lak ah COVID-19 zawtnak in a thimi ngaingai hi theih an si rih lo. An zawt zong ah faak tuk in an tuar lo, tiah siibawite nih an chim.

Atu tiang ah vawleicung hmun dangdang ah COVID-19 in a nunnak a liammi ngakchia pakhat lawng theih a si.

New England Journal of Medicine ah an chuahmi capar pakhat ah Tuluk ram ah thla 10 a simi bawhte pakhat cu COVID-19 zawtnak in a nunnak a liam, tiah an langhter.

Ref: The Guardian

Latest News

News in Burmese