US ah Lai Tlangval Pakhat Ruah Lo Piin a Nunnak Liam

| The Chin Journal | Hakha, Chin State

US ram, Kansas ah a ummi Bawi Uk Ceu (kum 44) cu pawfah in caan tlawmpal a um hnu ah ruah lo piin nizan ah a nunnak a liam, tiah thawng kan theih.

Bawi Uk Ceu hi Thantlang khuami a si i, Kansas Chin Baptist Church ah chungtel a si.

Ni tlawmpal hrawng pawfah in a um hnu ah zunput ah a kal i zunput chung a thut bu tein a nunnak a liam, tiah thawngthanhnak ah an langhter.

“Nihnih ni hrawng khan ka paw a fak pah a ti nain nizaan ah khan a dam deuh a ti caah Si-inn kal lo in a um. Anaule cu rian an tuan. A nau fale pathum he inn ah a ummi a si. Tuzing ah a nau fale cu breakfast a chuanpiak hna i a pek hna. Amah caah coffee a ser i a din hlan ah inn tang ah a tum. Zunput ah a va thu i, tuan ah a kai ti lo caah a nau fale nih an va zoh cu aa hngilhmi ah an rel. Thaithawh ei za hrawng ah an va zoh than tikah amah ningte cun an va hmuh than. Zunput chung a si caah an tawng ngam lo. Nulepa rian an tin in an chimh hna i an va zoh tikah cun chun hrawng ah rak thih cang dawh a si,” tiah Khrihfabu sin thawngthanhnak ah an langhter.

Bawi Uk Ceu ruak cu zanlei sml. 4:00 hrawng ah an lak. A ruakvuinak kong he pehtlai in acozah onh ning in kan tawlrel telai tiah khuakhaannak an ngei.

Latest News

News in Burmese