US ah COVID-19 in a Thimi 3,000 Leng an Phan Manh

| The Chin Journal | Hakha, Chin State

Atulio vawleicung ah COVID-19 mizaw an tam biknak US ram ah COVID-19 zawtnak in a nunnak a liammi 3,156 an phan cang.

February 5 ah khan Wisconsin ah US ramchung COVID-19 zawtnak a pakhatnak bik an rak hmuh.

February thla tiang ah US ramchung ah COVID-19 zawtnak a ngeimi minung 60 fai lawng hmuh an rak si.

Sihmanhselaw, March 15 in 20 hnu ah US ramchung ah COVID-19 zawtnak a ngeimi let tampi in an hun karh i, atu March thlathih ah cun minung 3,156 tiang a nunnak a liam i, minung 163,000 leng nih zawtnak an i chawn.

Cu chung ah cun damnak a hmumi zong an um ve. Minung 5,500 leng nih damnak an hmu tthan.

Nizan nikhat chung lawnglawng ah khan US ramchung ah COVID-19 zawtnak in minung 573 bak an nunnak a liam.

US ramchung COVID-19 a chuahka ah hi zawtnak in hin US ram ah minung 80,000 tiang an nunnak a liam kho, tiah US cozah lei nih an ruahdamh cia.

Cun, March 27 ah khan US ramchung chungkhar hna le companay pawl bawmhnak ca ah $2 Trillion phawtzamh ding in US President Donald Trump nih fehternak minsen zong a rak thut cang.

Cu lawng si loin, Philadelphia le a dangdang US ramchung State pawl ah chungkhar hna ca ah ni 5 chung eidin alak in phawtzamhnak zong an tuah.

Atulio vawleicung ah COVID-19 zawtnak in a nunnak a liammi 37,000 leng an si cang i, zawtnak aa chawnmi 785,000 leng a phan manh cang.

Ref: The Washington Post, BBC

Latest News

News in Burmese