Updated: High Class Mawtaw Khawndennak in a Thimi Minung 11 an Phan

| The Chin Journal | Hakha, Chin State

Updated: Minung 3 an nunnak a liam chap i a thimi zapi 11 an si tiah Yangon-Mandalay Highway Palik zung nih thawngthanhnak an tuah.

Kalay in Yangon lei a kalmi ‘High Class’ mawtaw tuzing suimilam 6:00 hrawng ah Naypyidaw le Yangon kar ah accident a tong. Minung 8 an thi, 25 hliamhma an tuar tiah Highway lam Palik zung nih ahmasa ah a langhter.

Kalay um U Win Htun monghmi ‘High Class’ mawtaw cu a kal cuahmah lio ah a hnulei kee a hun kuai i lam lai i khamnak pawl a va pah hnu ah aa let. Mawtaw chung ah khualtlawng 42 an i cit.

Accident a tongmi chung in Kalay um, Pa Lian Tual nih “Kaa hngilh, aa let ka te hi kaa thei, mawtaw cu kehlei ah aa let. Cu hnu ah orhlei ah voi 2-3 hrawng aa let. Mawtaw hmailei a thumi hi an fak khun. An zapi in siizung ah an um, keizong ka lu tlawmpal a fak. A tam u cu Chin mi an si hna” tiah a chim.

Latest News