UN: Kawl Ralkap Nih Rakhine Mi a Tlaihmi Pawl a Hrem Hna

| The Chin Journal | Hakha, Chin State

AA hriamtlai he pehtlaihnak an ngei tiin Kawl ralkap nih Rakhine mi a tlaihmi hna a hrem hna caah UN lungrethei in a um tiah UN nuhrin covo lei experts pawl nih September 3 ah an chim.

UN nuhrin covo lei tuanvo ngeitu Yanghee Lee, Agnes Callamard le Nils Melzer nih 2018 kum donghlei in Rakhine mi cheukhat AA he an i pehtlai tiin Kawl ralkap nih an tlaih hna i ralhrang pohma in taza an cuai hna, tiah report an chuah.

An report chung ah Kawl ralkap nih Rakhine pawl cu ningcang loin an hrem hna, electric zong in an leih hna i thonginn chung hremnak ruang ah minung a tlawm bik 15 an thi, tiah an langhter.

Hi kong he pehtlai hin Myanmar ralkap le Myanmar nih Geneva ah a thlahmi palai sin ah Euro News nih phone an chawnh hna nain lehnak an tuah hna lo.

Atulio zong ah Rakhine ramkulh, Butidaung peng chung ah Kawl ralkap le AA pehzul in an i kahnak ninga a rau cang, tiah Narinjara nih a langhter ve.

Latest News