UN Bawmhnak Facang Paletwa Khuachung Ralzam Hna Sin ah a Phan Cang

| The Chin Journal | Hakha, Chin State

UN nih vawleicung harsatnak ram ah eidin tirawl lei bawmhnak peknak rian a khinhmi World Food Program (WFP) nih Paletwa khuachung ah a ummi ralzam hna sin ah tlamtling tein facang a phakter khawh, tiah theih a si.

Tirawl harsatnak a tongmi Paletwa khuami hna le khuachung i ralzaam hna ca ah facang a phorhtu WFP motor cu April 29 ah khan lampi ah AA nih an kah hna i minung pakhat hliamhma tlawmpal a pu.

Meithal kahnak ruang ah hliam faak a pumi an um lo. Motor zong tlawmpal telawng rawhralnak a um.

“Paletwa ah WFP nih bawmhnak tirawl kan phakter khawh cang. Tirawl tlamtling a phak nakhng a kan bawmtu Chin ramkulh cozah le a dangdang bu pawl cung ah kan i lawm tuk. Paletwa ralzam hna hi pehzul in bawmhnak pek an herh rih,” tiah WFP Myanmar ram aiawhtu Mr Steven nih a chim.

Paletwa khuachung ah hin ralzam 4,000 hrawng an um i, atutan hi WFP nih bamwhnak a voi khatnak bik a phakter a si.

April thla chung zong ah khan Sami khua ah a ummi ralzam pawl sin ah WFP nih bawmhnak voi khat a phakter cang, tiah theih a si.

Latest News

News in Burmese