U Thein Sein Chan Leichungchuak Mansung in Hmuhmi Tangka $4 Billion a Bau

| The Chin Journal | Hakha, Chin State

U Thein Sein (USDP) cozah chan ah Myanmar ramchung leichungchuak mansung thilri (lunghring, gas, tbk) in hmuhmi phaisa $4 billion (MMK 6,000 billion) hrawng a bau, tiah Myanmar Extractive Industries Transparency Initiative (MEITI) nih report a chuah.

MEITI report ah “U Thein Sein cozah chan ah leichungchuak thilri in Myanmar ram nih a hmuh awk a simi tluk in a hmu lo i, $4 billion hrawng hi cazin ah a bau,” tiah a langhter.

Atu bantuk in U Thein Sein cozah chan ah leichungchuak thilri in hmuhmi tangka zuhphiahnak/lohtlaunak rak um hlah sehlaw ramleng leiba zong khulrang deuh in cham khawh a si hnga i, ramchung thanchonak rian (Ngandamnak, Fimcawnnak tbk) zong hmual ngei deuh in tuah khawh a si hnga, tiah MEITI report ah aa tial.

A baumi $4 billion in hin High School sianginn 40,000 le Ayerawaddy Tiva hlei 100 fawite in a sak khawh taih cu report nih cun a langhter chap.

2018-2019 cazin ning ah atulio Myanmar ram nih ramleng ah a batmi tangka hi $10 billion hrawng a si, tiah theih a si.

-Khit Thit Media

Latest News