Tuluk Kung Fu Saya Round 1nk ah MMA Fighter nih Ngal Ko in a Phomh| Video

| The Chin Journal | Hakha, Chin State

Tuluk MMA vuak thiam pa kut in voi khat a rak sung bal cangmi Tuluk Wing Chun Kung Fu saya Ding Hao nih October 20 ah khan Tuluk MMA vuak thiam A Hu timi pa a hun chuah hnawh tthan.

Kung Fu saya Ding Hao hi 2017 ah khan Tuluk MMA fighter Xu Xiaodong he an rak i phomh i cu lio ah cun Xu Xiaodong nih sumphomh in a rak phomh.

Asinain, Judge te nih Tuluk nunphung Kung Fu muihmai zoh in an i tluk tiah bia an rak chah. Atu hi Ding Hao nih MMA fighter a voi hnihnak a chuah hnawh a si.

Atutan a chuah hnawhmi MMA fighter A Hu hi Muay Thai vuak ningcang a cawngmi a si i, a khup le a kee ttih an nung ngaingai.

Ding Hao le A Hu an vun i phomh taktak tik ah Kung Fu saya Ding Hao cu Round 1nk second 72 ah A Hu nih ngal ko in a chuih i a tho kho ti lo.

MMA Fighter A Hu nih a kehlei kee in Ding Hao a phei ah voi 4 pehzul in a chuih. A voi 5nk ah cun A Hu  nih a kehlei kee hmang ti loin orhlei kee in Ding Hao hnabeng ah a den ciamman i Ding Hao cu thingtan ngalh in aa ngalh in aa ngal.

-SCMP

Latest News