Tuluk ah Chemical Sehzung Pakhat a Puak, Minung 47 an Thi, 600 Leng Hliamhma an Tuar

| The Chin Journal | Hakha, Chin State

Tuluk ram ah chemical sehzung pi pakhat a puai i minung 47 an thi, 600 leng hliamhma an tuar tiah China thawngzamh nih March 22 ah a langhter.

Jiangsu peng, Yancheng khua i a ummi ‘Pesticide Plant’ sehzung pakhat March 21 ah a puak. March 24, zinglei suimilam 3:00 hrawng ah mei an thah khawh tiah CCTV thawngzamh nih a langhter.

Hliamhma a tuarmi minung 640 cu kiangkap siizung 16 ah an kalpi hna. Minung 32 hi an fak ngaingai. Chemical sehzung pawng i a ummi sehzung pakhat in meikangh hram aa thok. Cu hnu ah cun Pesticide Plant sehzung zong a tlaih i fak taktak in a puak.

A puah ning a fah tuk ruang ah a pawng a ummi mu-cu siangngakchia pawl zong hliamhma an tuar.

Thil sining kong he pehtlai in palik nih hlathlainak an tuah cuahmah lio a si.

-Chaina Daily

Latest News