Tu Kum ah CCU Hakha in Degree a La Ding Minung 105 an Si

| The Chin Journal | Hakha, Chin State

Hakha hrambunh, Chin Christian University-CCU in tu kum degree a la hnga ding minung 105 an si tiah CCU in Lecturer Harvey Van Bik sin in thawng kan theih.

Degree a la dingmi hna cu Theology lei in M.Div minung 7, B.Th minung 10, Dip.Th in minung 17 le B.Min in minung 2 an si.

Cun, B.A.E in minung 3, B.B.A in minung 12, Dip. English in minung 10, Dip.BA in minung 42 le a lenglei in pekmi Hononary Degree (Mlit) minung 2 an si.

Tu kum ah hin CCU siangngakchia 103 degree an la lai i a lenglei in minung 2 zong an pek chih hna lai. Ni kum ah CCU siangngakchia 107 nih degree an lak tiah theih a si.

Tutan ah hin siangngakchia chung in minung 12 zong Award pek an timh hna. An pek dingmi hna cu (1) AAC Award, (2) CACC Award, (3) CCU Award, (4) David Van Bik Award, (5) HBA Award, (6) Hornbill Award, (7) Hrangzel-Kim Award, (8) 17 Friends Forever Award, (9) MDiv 1st Batch Award, (10) Tial Fam Bor Award le (11) 2016 BAE Award hna an si. David Van Bik Award hi minung 2 nih an co te lai.

CCU degree peknak puai cu Hakha, HBC Biakinn ah March 17, zaanlei suimilam 2:00 in thok a si te lai tiah theih a si.

Latest News