Toyota nih Myanmar ah Motor a Serchuah Cang Lai

| The Chin Journal | Hakha, Chin State

Japan motor sertu company Toyota nih 2021 thawk in Myanmar ram ah motor serchuah hram a thawk cang lai, tiah theih a si.

Motor serchuah rianttuan nakding hmun zong Yangon, Thilawa Special Economic Zone (SEZ) hmunhma i Zone-B ah vawleihmun 21 hectares pek an si cang.

Toyota Company nih Myanmar ram ah Toyota Myanmar (TMY) timi min hmang in rianttuan ding in timhtuahnak a ngei i, rianttuantu minung 130 a hlan hna lai.

Rianttuannak ah US$52.6 million hi phaisa hrambunh a timh i, 2021 thawk in Hilux motor 2,500 a serchuah lai, tiah theih a si.

Myanmar ram ah Toyota nih motor a serchuah ahcun ahlan i ramdang in rak luhpinak ah ngunkhuai an lakmi pawl lak a hau ti lai lo i, Toyota motor man zong a ttum kho.

-Eleven Media

Latest News