Tlu Lak in Thongh a Tongmi American Boxer a Nunnak a Liam| Video

| The Chin Journal | Hakha, Chin State

American boxer Patrick Day (kum 27) cu October 13 ah tuahmi boxing thonghnak ah Charles Conwell nih tlu lak in a thongh hnu ah a nunnak a liam, tiah theih a si.

October 13, Chicago khua Wintrust Arena ah USBA Super-Welterweight boxing thongh zuamnak a um i Patrick le Charles an i tong.

Round 10nk ah Charles nih Patrick cu ngal lak in a thongh. Hi puai hnu ah hin Patrick hi sizung ah an kalpi i holh kho lo, cawlcaang kho lo le mah hngal loin a um i, nihin ah a nunnak a liam hi a si.

https://youtu.be/mtavFyA245w

Charles he an i thonghnak ah thluak lei khawndennak fak tuk in a ton caah atu bantuk in a nunnak a liam hi a si, tiah boxing thonghnak kong he pehtlai in Patrick kongkau a tawlreltu Lou DiBella nih a chim.

A nunnak a liamm Patrick hi boxing voi 22 a rak i thongh i voi 17 teinak a rak hmumi zong a si.

-BBC, Reuters

Latest News