Tlanglawng Cung Thawngttha a Chimtu Pa a Lu Kuai Lak in Tukvelh a Tong| Video

| The Chin Journal | Hakha, Chin State

US ram, New York khuachung tlanglawng cung ah kum 79 a simi tarpa pakhat Baibal ca i ken i thawngttha bia a aupi lio ah minu pakhat nih a kal hnawh i kedilsang phahnah in a lu kuai lak in a tuk, tiah theih a si.

Baibal aa putmi kum 79 tarpa cu tlanglawng a citmi pawl thirtung aa tlaih i thawng Baibal ca i cherhchan in thawngtthabia a chim.

Minu pakhat nih a kawl hnawh i, “Hika hmun hin chuak law na hlawk deuh lai…na lut kuai lak in kan tuk lai,” tiah a kedilsang pahnah in cun a lu ah a tuk.

Thawngthabia a aupitu pa kedilsang phahnah in tuk a ton ruang ah a lu a kuai i a thi an chuak len.

Pawngkam a ummi nih kum 79 pa cu an hun domhtlaih i, 911 ah report an tuah. Palik pawl an rak phak hnu ah hliamhma a pumi thawngtha chimtu pa hi New York University Hospital ah an kalpi.

Thawngthabia a chimtu tarpa atu bantuk in kedilsang phahnah in a vuatu nu hi palik nih tlaih ding in an kawl cuahmah.

A cunglei thilcang hi New York khua, Midtown khuachung tlanglawng cung ah October 24, zinglei sml. 10:00 hrawng ah a cangmi a si.

-Fox 5

Latest News