Tlakrawh Vampang Kar aa Tanhmi Ngakchia an Khamh Manh| Video

| The Chin Journal | Hakha, Chin State

Tuluk ram, Qianxi peng ah tlakrawh vampang karlak ah aa tanhmi ngakchia pa cu meithat zung riantuantu hna nih a chuah manh caah nunhim in a um, tiah theih a si.

July 21 ah khan hi ngakchia pa hi lente aa celhnak ah tlakrawh vanpang karlak ah aa tanh sual hi a si.

Ngakchia pa aa tanhnak tlakrawh vampang pahnih karlak hi a biite a si i, hi lio caan ah hin ruah zong a sur chap fawn.

Ngakchia pate thinphang thlalau tuk in a um i, mibawmtu meithat zung riantuan bu khat nih ngakchia pa a hnangam nakhnga an hlemh i cu lio ah cun a dang bu khat nih vampang karlak in chuah khawh ding in an i zuam.

Meithat zung riantuan an phak hnu minute 20 hrawng ah hi ngakchia pa hi an chuah khawh. A takpum ah khawndennak hma fak ngaingai a um lo, tiah theih a si.

Latest News