Tlaih a Tongmi Chinmi 11 Taza an Cuai Hna

| The Chin Journal | Hakha, Chin State

Rakhine ram, Kyauk-daw khua ah tlaih a tongmi Chinmi 11 Kyauk-daw peng biaceih zung ah taza an cuai hna.

Aluancia Feb. 4 ah Chim ramkulh Paletwa peng, Shin-latt-wa khuami minung 24 cu Rakhine ram Kyauk-daw khua um nuva hna U Thein Soe le Daw Hla Hla Yii  inn ah an va riak hna.

Zaan suimilam 1:00 hrawng ah palik nih an rat hnawh hna i inn ngeitu telh in zapi minung 26 an tlaih hna. Hi chung ah hin Chinmi 11 le inn ngeitu nuva hna cu AA hriamtlai phu he pehtlaihnak an ngei tiin nihin ah Kyauk-daw peng biaceih zung ah taza na cuai hna hi a si.

A dang minung 13 tu cu an thlah than hna. Tlaih a tongmi Chinmi 24 hi AA le Cozah ralkap kahdohnak ruang ah Shin-latt-wa khua in Rakhine ram, Kyauk-daw khua ah a rak zaammi an si.

Kyauk-daw khuami anmah theihhngalh U Thein Soe le Daw Hla Hla Yii inn ah an va tlung i atu bantuk in tlaih an ton hi a si.

-VOA, Narinjara

Latest News