Tiva Ram Riahnak ah Pastor Ram Nawn a Nunnak a Liam

| The Chin Journal | Hakha, Chin State

Bawinu tiva ah tivaram an riahnak ah Pathian rian a ttuan cuahmahmi Pastor Ram Nawn a nunnak a liam, tiah thawng kan theih.

Pastor Ram Nawn te cu Phaipha khuataw lei ah tivaram an riak i, nizan ah khan tiva an riahnak kiangkap ah zanttim ah rammei a kaang.

“An riahnak riahbuk lei ah lungtum a hun ril i an zaam cio hna. Pastor Ram Nawn cu tivakam lunglak ah a tlu i a lu ah aa khawn caah atu bantuk in a nunnak a liam hi a si,” tiah Hakha khuasa Pu Jacob Thang nih a ttial.

“Pastor Ram Nawn hi CACC Education and Development Department ah Secretary rian a tlai liomi  a si,” tiah CACC Literature Department Secretary a simi Pastor Lai Cung nih a chim.

Pastor Ram Nawn cu Hausen khuami a si i, Phaipha i a naule he Bawinu tiva an riahnak ah atu bantuk in ruah lo piin vanchiatnak a ton hi a si.

A ruak cu Hakha lei ah an rak tlunpi lio a si i, chun sml. 12:00 hrawng ah a phan lai tiah an zumh.

Chun sml. 12:00 hrawng ah a ruak a phanh a si ahcun zanlei sml. 2:00 hrawng ah ruakhumhnak service an thawk te lai.

Latest News

News in Burmese